මයෙ ටිකිරි මැණිකේ . .

මයෙ ටිකිරි මැණිකේ . .

ඇත්තටම මං ගල්වෙලා වගෙයි

කිසිම හිතුවිල්ලක් හිතට එන්නේ නෑ

එකම එක හිතුවිල්ලකම විතරක් හිත හිරවෙලා

ගල් ගැහිලා හිත මිදිලා

ඒ හීතල දුරුත්තට නම් නෙමෙයි

උණුහුමට . .

මයෙ ටිකිරි මැණිකෙ ගැන තියෙන

පුංචිම පුංචි මතකයන්වල උණුහුමට

මගෙ ඒ ඉල්ලීම ගැන

ටිකිරි මැණිකෙගෙ මේ නිහඬබව

මට වාවන්නේ නෑ මයෙ ටිකිරි මැණිකෙ

මගෙ හිත මැරිල නිසා, මං වෙනුවෙන් ඔයා ගැන හිතපු

දෙන්නෙක්ව මං දැක්කා, ඒ මගේම හිතුවිලි . .

මං ඒවා ඔයාට එවන්නම්

මං ඒ අයවවත් ඒ අය මාවවත් දන්නේ නෑ

ඒත්

ඒ අය මං තුළත්, මං ඒ අය තුළත් පැවතෙනවා කියලා

මං දන්නවා

අපි හැමෝම, අපි හැමෝම තුළ ඉන්නව

ඔයයි මමයි දන්නවා, අඳුනනව

ඒ වගෙම මං තුළ ඔයත්, ඔයා තුළ මමත් ජීවත් වෙනවා

ඒක වරදක් නෙමෙයි, එහෙමයි කියල ඔයා දන්නවා

ඒ උනාට මයෙ ටිකිරි මැණිකෙ ඒක පිළිගන්න බයයි

බාගෙවිට එහෙම හරි ඇති

මට වගෙ නෙමෙයි මයෙ ටිකිරි මැණිකෙට

වගවීම්, වගකීම්, බැඳීම් මහ ගොඩක් තියෙනවා

ඒත් මට හිතෙන්නෙ

තමන්ගෙ හිත නිදහස් නම් ඒ

වගවීම්, වගකීම්, බැඳීම් මහ ගොඩ

හුඟක් සාර්ථකව ඉටු කරන්න පුළුවන් කියල

ඔය හිත නිදහස් කරගන්ට මයෙ අම්මා . .